حديث على الهاتف بين الام وابنها اوووووووووف يايمه

سلام عليكم


الابن


ألــو مـــــن أديــار الغـــرب يمه ألـــو
انــي ابنكم واســأل عليكم اشلونكم


صــوتي واضــح مــن اكـول اني فلان
أوبعد نبرت صــوتي تشبهـه صــوتكم


لـو تكسـر حجـي مـــــــن كـثر الهجـر
واختلـف لـوني وصـبح مـو لـــونكم


انـــــــه شحجيلج يـــيمــه ابغــربتي
والله مــــــن أحجي تزيـــــد اهمومكم


يمه مـا شفت الفـرح بالغــــربه يــوم
أتروح سنت الغـرب فـــــدوه اليومكم


مـــــــــــا أنـام اللـيـل سهــران وأون
أولـو نـمـت لـحظـة افـــز بطيـــــوفكم


أنه تعبنـي الهجـر مشـتاك اضــــــوك
طبـخ أيــــــــــدج والـخـبـزتـنوركـم


يـمـه عـدنـه الأكـل لا لــــــــذه اوطعم
والطعـم واضـح وسـط مــــاعـونكم


أنه جـابـرني الـــــزمن عنكم اروح
غـصـب عـنـي ابــــعـدت عن اعيونكم


يمه ادعيلي ييمه الكم اعــــــــــــــود
بكل صلاه وبكل ليلة فرحه من ليالي بغداد


ابـجاهــــه حبيب الله محمد اردلكـم عـدل
اوتـرجـع اعيـوني ييمـه اتشــوفكم






جواب الام




احـجـي يـا يمـه اسمعـــك لاتخاف
احجي يا يمـــه اسمعـــك أني زين


مـــــا تـغيـر صـوتك أ و رب الخلك
أونبرتك بيهه انــــوجــد كـل الحنين


يبنـي مــــــا غيرك كل هـــــذا البعد
باقـــــي طبعك طبع العراقي الحزين


وانه أدري بيـــــك مـــــا تغفه ابـــد
ولا تنـــــــام الليل كاظـيه ابــــونين


أولا تحـس ابـطعـم كـل شــرب اوأكل
أولاعرفت الفرح كل هـــــاي السنين


وانـي مـنـك ازيـــــــــــد وأكثـربعد
اولا تظـن فـركــــــــــاك يا يمه يهين


مـــــــا أنـام الليـل سهـرانـــــــه وون
والدمــــــع يبني صفه اوما ظلي عين


أنه محتفضـه ابغــــــراضـك والكتب
وأحجي وياهـــــن واكلهن انته وين


جنت بيهن تلعب اوتقره اعله طــول
أوهسه صـــارن مـا تمسهن كـل ادين


يبني ارجع شاب راسي امـــن الهجر
أوكلبي نبضاتــــه صفت كلهه ونين


رايح ادعـــــي الرجعتك يبني الحبيب
يا يارب العباد يامفرج الهم عن العباد يرد ابني الي
اووووووووووووف يايمــــــــــــــه