اريد ارجع لبغداد

أريد ارجع انا لبغداد و اشم ترابها و جفوني احنيها
تعبنا هوايه البعاد و نار الغرب لارواحنه تجويها
اريد ارجع انا لبغداد و اظل هناك
ابجي ... و كل نخلة بدموعي ازكيها
من دجلة اغرف ماي ما غير لدجلة للروح يرويها
اريد ارجع انا لبغداد و اشوف اهلي
اصحابي .... اخواني ......و اسهر لياليها
و اكضي البقه من عمري هناك
واموت هناك واندفن بيهه
اريد ارجع انا لبغداد اشوف امي الحبيبة ..... وابوس ايديها
و انام بحضنها نومة الاطفال يامحلى الدلللول لمن تغنيها
اريد ارجع انا لبغداد..... محلتنه القديمة
ومدرستي الي اتعلمت بيهه
اريد ارجع انا لبغداد وهمومي على دجلة اشكيها
كلنا نشكي همومنة علية و مايوم شفناه لهمومه يشكيها